တောင်ကိုရီးယားကို ခိုလှုံဖို့လာတဲ့ မြောက်ကိုရီးယားစစ်သားတစ်ဦး အပစ်ခံရ

 နိုဝင်ဘာ ၁၄ – ပန်မွန်ဂျွန်းမြို့ရဲ့ စစ်ပြေငြိမ်းရွာနယ်စပ်မှာ တောင်ကိုရီးယားနိုင်ငံထဲ ဘက်ပြောင်းခိုလှုံဖို့ဝင်လာတဲ့ မြောက်ကိုရီးယားစစ်သားတစ်ဦးကို မြောက်ကိုရီးယားဘက်က သေနတ်နဲ့ပစ်ခတ်ခဲ့လို့ ဒဏ်ရာရခဲ့တယ်လို့ တနင်္လာနေ့က တောင်ကိုရီးယားစစ်တပ်က ပြောပါတယ်။ အဆင့်နိမ့်တပ်သားဖြစ်မယ်လို့ယူဆရတဲ့အဲဒီစစ်သားကို တစ်ခုတည်းသောစစ်ပြေငြိမ်းထားတဲ့နယ်စပ်ဒေသဖြစ်ပြီး နှစ်ဖက်တပ်ဖွဲ့တွေ မျက်နှာချင်းဆိုင်ရှိနေတဲ့နေရာဖြစ်တဲ့ ပန်မွန်ဂျွန်းနယ်ခြားရဲ့တောင်ဘက်အခြမ်းတစ်နေရာမှာ ပုခုံးနဲ့တံတောင်မှာ သွေးထွက်နေတဲ့ ဒဏ်ရာတွေ နဲ့ ထိတ်လန့်နေဟန်နဲ့ တွေ့ရှိခဲ့တယ်လို့ ဆိုးလ်ရဲ့ ပူးတွဲစစ်ဦးစီးချုပ်များအဖွဲ့ ထုတ်ပြန်ချက်မှာပါရှိပါတယ်။

“ကျွန်တော်တို့စစ်တပ်က မြောက်ကိုရီးယားကိုဖြတ်ကျော်ပြီး ကျွန်တော်တို့ရဲ့ လွတ်လပ်တဲ့အိမ်ဆီကိုဦးတည်လာတဲ့ မြောက်ကိုရီးယားစစ်သားကို လက်ခံခဲ့တယ်”လို့ နယ်ခြားတွေနဲ့ နှစ်ပိုင်းခွဲထားတဲ့ စစ်ပြေငြိမ်းထားတဲ့ရွာရဲ့ တောင်ဘက် အခြမ်းက အဆောက်အဦတစ်ခုကို ရည်ညွှန်းပြီး ထုတ်ပြန်ပါတယ်။ မြောက်ကိုရီးယားဘက်ကနေသေနတ်နဲ့ပစ်ခြင်းခံခဲ့ရတဲ့ သည်ဘက်ပြောင်းခိုလှုံလာတဲ့ စစ်သားကို ကုလသမဂ္ဂ ရဟတ်ယာဉ်တစ်စင်းနဲ့ ဆေးရုံကိုပို့ဆောင်ခဲ့တယ်လို့ တောင်ကိုရီးယားစစ်တပ်က ဆိုပါတယ်။ သူ့ကို တောင်ကိုရီးယား ဘက်ခြမ်းက တွေ့ရှိချိန်မှာ သတိပြန်လည်နေပြီဖြစ်ပေမယ့် ဒဏ်ရာက အသက်အန္တရာယ်ရှိ မရှိ ချက်ချင်းမသိရသေးပါဘူး။ စစ်တပ်ဘက်ပြောင်းခိုလှုံခြင်းဟာ ကိုရီးယားနှစ်နိုင်ငံရဲ့ ကြီးမားတဲ့အခိုင်အမာစစ်ပြေငြိမ်းထားတဲ့နေရာမှာ အဖြစ်များပေမယ့် ခရီးသွားတွေကိုဆွဲဆောင်တဲ့အဓိကနေရာတစ်ခုဖြစ်တဲ့ ပန်မွန်ဂျွန်းမြို့မှာတော့ တော်တော်ရှားပါးပါတယ်။

မြောက်ကိုရီးယားစစ်သားနှစ်ဦးဟာ ဇွန်လမှာ တောင်ကိုရီးယားထံကို နယ်စပ်ဒေသ အခြားတစ်ဖက်ကနေ ခိုလှုံဝင်ရောက်ခဲ့ပါတယ်။ သည်ကျွန်းဆွယ်ကို ပိုင်းခြားအပြီး ပြီးခဲ့တဲ့ဆယ်စုနှစ်တွေကတည်းက မူလနယ်စပ်ကနေ တစ်ဖက်စီမှာ နှစ်ကီလိုမီတာလောက်ကျယ်တဲ့ စစ်ပြေငြိမ်းရေးဒေသကိုဖြတ်ပြီး တောင်ကိုရီးယားကို ထွက်ပြေးလာခဲ့တဲ့ မြောက်ကိုရီးယား စစ်သားပေါင်း ဆယ်ဂဏန်းအရေအတွက်လောက်ရှိခဲ့ပြီးဖြစ်ပါတယ်။ မြောက်ကိုရီးယားက ပဲ့ထိန်းဒုံးကျည်စမ်းသပ်မှုတွေကို တိုးမြှင့်လုပ်ဆောင်ခဲ့တဲ့အတွက် နှစ်ဖက်ဆက်ဆံရေးဟာ လတော်တော်များများတင်မားနေခဲ့ပြီးဖြစ်ပါတယ်။ မြောက်ကိုရီးယားက ဟိုက်ဒရိုဂျင်ဗုံးလို့ခေါ်တဲ့ ခြောက်ကြိမ်မြောက် အကြီးမားဆုံးနျူကလီးယားစမ်းသပ်မှုကို စက်တင်ဘာလမှာ လုပ်ဆောင်ခဲ့ပါတယ်။

 

မေသက် [Ref: AFP. Nov 13, 2017]