ရန်ကုန်မှာ ခိုးဆိုးလုနှိုက်တွေ၊ ဖောက်ထွင်းဝိဇ္ဇာတွေ သတိထားကြပါ

ဝင်တော့လည်း သော့ခတ်ထားတဲ့ အိမ်ရှေ့တံခါးမကြီးကနေဝင်တာပါ။ သော့ဝိဇ္ဇာတစ်ယောက်ပါလို့သာ သော့ဖွင့်ပြီး ပြန်ပိတ်ပေးနိုင်တာပါ။

 

ရန်ကုန်၊ နိုဝင်ဘာ ၁၂ - ခုတလော ရန်ကုန်မှာ အုပ်စုဖွဲ့ ဖောက်ထွင်းလုယက်မှုတွေ ကြုံတွေ့ရတာ များလာပါတယ်။

ကိုယ်တွေ့ကြုံတွေ့နေရတဲ့ နိုင်ငံ့ဂုဏ်ဆောင် အားကစားသမားတစ်ဦးဖြစ်တဲ့ ကိုနိုင်စစ်အောင်က သူ့ရဲ့အတွေ့အကြုံကို အခုလို ပြောပြပါတယ်။
ကျွန်တော်ဟာ မြန်မာ့လက်ရွေးစင် ရေကူး ချန်ပီယံတစ်ယောက်ဖြစ်သလို နိုင်ငံ့ဝန်ထမ်းတစ်ဦးဖြစ်တယ်။ ၂၀ဝ၃ ခုနှစ်ကတည်း က ရေကူးချန်ပီယံအဖြစ်နဲ့ နိုင်ငံကိုယ်စားပြုဝင်ရောက်ယှဉ်ပြိုင်ခဲ့သူဖြစ်တယ်။ အာရှပြိုင်ပွဲ ငါးပွဲ၊ အိုလံပစ် နှစ်ပွဲ အပါအဝင် ပြိုင်ပွဲပေါင်း များစွာ ဝင်ရောက်ယှဉ်ပြိုင်ရာမှာ ရွှေတံဆိပ် ၁၉ ဆုအထိ ရရှိထားပါတယ်။

ရေကူးချန်ပီယံဆိုတော့ ရေထဲမှာပဲ ကျွမ်းကျင်ပြီး ကုန်းပေါ်မှာ မကျွမ်းကျင်လို့လားတော့ မသိဘူး၊ အိမ်ကို ဖောက်ထွင်းခံရတာ သုံး ကြိမ်ရှိသွားပြီ။ ကျူးလွန်တဲ့ သူတွေကို မမိလိုက်ဘူး။ ကျွန်တော်တို့ မိသားစုက လမ်းမတော်မြို့ နယ်က စီးပွား/ကူးသန်းအိမ်ရာမှာ နေတယ်။ ဝန်ထမ်းတွေဆိုတော့ အိမ်ရာအတည်အကျ မရှိဘူး။ အလုပ်ပြောင်းရွှေ့တဲ့ နေရာ လိုက်နေရ တော့ သည်အိမ်ကို ပြောင်းရွှေ့လာတာ မကြာသေးဘူး။ အရင်ကလည်း အခုလို ဖောက်ထွင်းခံရတာမျိုး မရှိခဲ့ပါဘူး။ ဖောက်ထွင်းတဲ့သူတွေကလည်း အလစ်ကို ချောင်းနေကြတာ ထင်ပါတယ်။ ကျွန်တော့်အမျိုးသမီးကလည်း ဝန် ထမ်းဆိုတော့ နေ့ဘက်ဆိုရင် အိမ်မှာ အိမ်စောင့်တစ်ယောက်မှ မရှိဘဲ သော့ခတ်ထားခဲ့ရတယ်။ အဲဒါကို အခွင့်ကောင်းယူသွားတာပါ။ အိမ်နီးချင်းအားလုံးကလည်း ဝန်ထမ်းတွေ ချည်းဆိုတော့ မရှိကြတာများတယ်။ ရှိတဲ့အိမ် ကလည်း တံခါးပိတ်ပြီး အထဲမှာ တိတ်တိတ်ဆိတ်ဆိတ် နေကြတာများတော့ သူတို့အတွက် အခွင့်အရေးပေးသလို ဖြစ်နေတာပေါ့။

နောက်တစ်ချက်က ကျွန်တော်တို့အိမ်က မီးရထားသံလမ်းနဲ့ ကပ်နေတော့ အဲသည်လမ်း ကြားဘက်ကနေ အလွယ်တကူ ကျော်ဝင်နိုင် တာပါ။ ပထမအကြိမ်မှာတော့ အိမ်ရှေ့ထုတ် ထားတဲ့ ပစ္စည်းတွေ မ,သွားတယ်။ နောက်ဒုတိယတစ်ကြိမ်မှာလည်း အိမ်ရှေ့မှာ ကျန်တဲ့ ပစ္စည်းတွေ သယ်သွားတာ ခံလိုက်ရတယ်။ စိတ်ထဲမှာ မသတီတော့ဘူးပေါ့။ အဲဒါကြောင့် သည်တစ်ခါပိတ်ရက်ဆိုရင်သွပ်တွေ၊ ပစ္စည်းတွေဝယ်ပြီး အိမ်ကို လုံခြုံအောင် ထပ်ကာမယ် လို့ စဉ်းစားနေတုန်း သည်ကောင်တွေက လက် ဦးသွားပါတယ်။ တတိယအကြိမ်မှာ အိမ်ထဲအ ထိ ဝင်သွားတာပါ။

အုပ်စုလိုက်ဖြစ်နိုင်

အိမ်ထဲအထိ ဝင်ခိုးတာဖြစ်လို့ ခိုးတဲ့ သူဟာ တစ်ယောက်တည်းတော့ မဖြစ်နိုင်ပါဘူး။ အနည်းဆုံးသုံးလေးယောက်တော့ ဖြစ်နိုင်တယ်။ ဘာဖြစ်လို့လည်းဆိုတော့ တစ်ယောက်က ကျွန် တော်တို့ အိမ်ခန်းထဲအထိ ဝင်ရောက်ခဲ့တာပါ။ ဝင်တော့လည်း သော့ခတ်ထားတဲ့ အိမ်ရှေ့တံ ခါးမကြီးကနေ ဝင်တာပါ။ ပြီးတော့ သော့ပြန် ခတ်ထားပါတယ်။ သူတို့အထဲမှာ သော့ဝိဇ္ဇာ တစ်ယောက်ပါလို့သာ သော့ဖွင့်ပြီး ပြန်ပိတ်ပေး နိုင်တာပါ။ သော့ပိတ်ပေးတဲ့သူက အပြင်ကနေ အချက်ပြ သတိပေးဖို့ စောင့်ပေးနေတာ ဖြစ်နိုင် တယ်။ သူတို့က အဖွဲ့လိုက် လှုပ်ရှားတာ ဖြစ်နိုင် ပြီး သုံးကြိမ်လုံး သူတို့အဖွဲ့ပဲ ဖြစ်နိုင်ပါတယ်။  နောက်ဆုံးအကြိမ် ဖောက်ထွင်းဝင်ရောက်ရာ မှာတော့ တီဗီ၊ အောက်စက်၊ ဘောက်စ်တွေနဲ့ ဖုန်းတစ်လုံး ပါသွားတယ်၊ စုစုပေါင်း ကျပ် ၅၀ဝ,ဝ၀ဝ ဝန်းကျင် တန်ဖိုးရှိတဲ့ ပစ္စည်းတွေ ဖောက်ထွင်းခံလိုက်ရတာပါ။ အဖိုးအတန်ဆုံးကတော့ ဖလက်တီဗီပေါ့။ သယ်လို့လွယ်တဲ့ ပစ္စည်းတွေ ရွေးပြီးသယ်သွားတဲ့သဘောပါပဲ။ ဘောက်စ်တွေကလည်း နောက်ဆုံးပေါ်အသစ်တွေပါ။

ရဲကိုတိုင်

ကျွန်တော့်အမျိုးသမီးက အိမ်ကို အရင်ရောက်တယ်။ ဖုန်းဆက်တယ်။ သော့ဖွင့်ပြီး အိမ်ထဲဝင်လိုက်တော့ ပစ္စည်းတွေ မရှိတော့ဘူး ဆိုပြီး ပြောတယ်။ အဲဒါနဲ့ ကျွန်တော်လည်း ရဲကိုဖုန်းဆက်ပြီး အိမ်ကို အမြန်ပြန်တယ်။ ရဲတွေလည်း ရောက်လာတယ်။ ကျွန်တော်တို့ အိပ်ခန်းအတွင်းက လော့ခ်ချထားတော့ အထဲ မှာ လူရှိနေသေးလား ထင်စရာပေါ့။ အိပ်ခန်းတံခါးဖျက်ပြီး ဝင်တော့ ဘယ်သူမှ ရှိမနေတော့ ပါဘူး။ အိပ်ခန်းထဲက ပြတင်းပေါက်မှာ ကာ ထားတဲ့ သစ်သားတွေ ဖျက်ပြီး အပြင်ထွက်သွားတဲ့အနေအထားမျိုးတွေ့ရတယ်။ အခန်းထဲက နေ ကန့်လန့်ထိုးထားပြီး လူရှိတဲ့ ပုံစံ လုပ်ထားတာပါ။ အချိန်ဆွဲလို့ ရသလောက် ဆွဲထားတာပါ။ နောက်တစ်နေ့ကျတော့ ပစ္စည်းတွေဝယ်ပြီး အိမ်ကာဖို့လုပ်တော့ သူတို့ထွက်သွားတဲ့ဘက်မှာ တီဗီရီမုတ်ရယ်နဲ့ ဖုန်းအားသွင်းကြိုးရယ် တစ်ဖက်စီကျနေတယ်။ အီးယားဖုန်းနားကြပ် တစ်ခုက သစ်ပင်မှာ ချိတ်နေတယ်။ ကျွန်တော့် အမျိုးသမီးပြန်လာတာသိလို့ အလျင်စလို အ မြန်ထွက်ကြတဲ့ အနေအထားရှိတယ်။ ဒါပေမဲ့ ပစ္စည်းတွေကိုတော့ ပါအောင်သယ်သွားနိုင်ကြတယ်။ ရဲကတော့ အကူအညီလိုရင် လာပြောပါ လို့ ဆိုတယ်။

ရန်ကုန်မှာ အုပ်စုဖွဲ့ဖောက်ထွင်းလုယက်တဲ့ သူတွေရှိနေတာဖြစ်လို့ အားလုံး သတိဝီရိယ နဲ့ နေနိုင်အောင်ပါ။ ဝန်ထမ်းလစာလေးတွေနဲ့ ချွေတာစုဆောင်းထားတဲ့ ပစ္စည်းလေးတွေပါ သွားတော့ နှမြောမိတာပါပဲ။ စီးပွားရေးတွေ ကျပ်တည်းနေကြတဲ့အချိန် မရှိလို့ လုပ်ကြတာ ဖြစ်မှာပဲလို့ သဘောထားရတော့တယ်။

ဂိုဏ်းဖွဲ့လုယက်  

မင်္ဂလာဒုံမြို့နယ်၊ အောင်မင်္ဂလာအဝေး ပြေးဂိတ်အနီးမှာလည်း အငှားယာဉ်တွေကို အရီးသည်ဟန်ဆောင်ပြီး လုယက်မှုတွေ ဖြစ်ခဲ့ပါတယ်။ သူတို့ဟာ ဂိုဏ်းအဖွဲ့နဲ့ လှုပ်ရှားပါတယ်။ အငှားယာဉ်တွေကို ခရီးသည်ဟန် ဆောင်ငှားရမ်းပြီး လမ်းခုလတ်မှာ ယာဉ်မောင်း ကို ထိုးကြိတ်ထားခဲ့ပြီး အငှားယာဉ်ကို လုယက်တာပါ။ သူတို့ဟာ တက္ကစီတွေကို ထောက်ကြန့်၊ မှော်ဘီနဲ့ လှည်းကူးဘက်တွေ ခေါ်ငှာပြီး လမ်းရောက်မှ ယာဉ်မောင်းကို ဓားနဲ့ ထောက်၊ ထိုး ကြိတ်၊ လက်ပြန်ကြိုးတုပ်၊ ကားပေါ်က ကန်ချ ပြီး ကားကိုယူတာပါ။ အဲသည်ဂိုဏ်း အဖွဲ့ထဲက သုံးယောက်ကို ပြည်နဝဒေးတံတားနားမှာ ရဲတပ်ဖွဲ့က ဖမ်းမိပါတယ်။ သူတို့ကို မှော်ဘီ၊ ထောက်ကြန့်နဲ့ လှည်းကူး မြို့နယ် ၊ ဒါးပိန် ရဲ စခန်းတွေမှာ အမှုဖွင့်အရေးယူထားပါတယ်။ အဲသည်လူငယ်သုံးဦးဟာ မှော်ဘီမှာ နေထိုင်သူတွေ ဖြစ်တယ်။ အလုခံရတဲ့ ကားက လေးစီးဝန်းကျင်လောက် ရှိနေပြီး ပြန်မရသေးပါဘူး။ အခုဖမ်းမိထားတဲ့ သုံးဦးကို စစ်ဆေးပြီး ဆက်လက် ဖော်ထုတ်သွားမှာ ဖြစ်တယ်။ ရန်ကုန် မြောက်ပိုင်းခရိုင် ရဲတပ်ဖွဲ့က ကိုင်တွယ်စစ်ဆေးနေတာ ဖြစ်ပါတယ်။

သင်္ဃန်းကျွန်းမြို့နယ် မိုးလုံလေလုံ အား ကစားကွင်းဘေးမှာရှိတဲ့ ပြိုင်ကားဝင်းအတွင်းမှာ ဖွင့်လှစ်ထားတဲ့ စားသောက်ဆိုင်တစ်ဆိုင် မှာလည်း ပြီးခဲ့တဲ့စက်တင်ဘာလထဲက ရေမော် တာ လေးလုံး၊ အဲကွန်းကြေးပိုက်တွေ ခိုးယူခံရမှု ဖြစ်ပွားခဲ့ပါတယ်။

ပြီးခဲ့တဲ့ နိုဝင်ဘာ ၉ ရက်ကလည်း စမ်းချောင်းမြို့နယ်မှာ အမျိုးသမီးတစ်ဦးရဲ့ ဦးခေါင်းကို လူငယ်တစ်ဦးက အုတ်ခဲနဲ့ထုပြီး လက်ကိုင်ဖုန်းကို လုယက်တဲ့အမှု ဖြစ်ပွားခဲ့တယ်။ ဖုန်းလုခံရတဲ့ အမျိုးသမီးက အော်ဟစ် ပြီး ပတ်ဝန်းကျင်ကို အကူအညီတောင်းတဲ့အတွက် အနီးအနားက လူတွေဝိုင်းလိုက်တော့ ဖုန်းချထားပြီး ထွက်ပြေးသွားတယ်။ လုယက် တဲ့သူကို မမိလိုက်ပေမဲ့ ဖုန်းတော့ပြန်ရလိုက်ပါ တယ်။ စိုးရိမ်စရာမရှိပေမဲ့ အမျိုးသမီးရဲ့ ဦး ခေါင်းမှာ ပေါက်ပြဲ ဒဏ်ရာရရှိသွားခဲ့တယ်။
ရဲတစ်ဦးကို ဓားနဲ့ပြန်ထိုးတဲ့ ဖြစ်စဉ်လည်း လှိုင်သာယာမှာ ဖြစ်ခဲ့ပါတယ်။ ဖြစ်စဉ်က လှိုင် သာယာမြို့နယ်၊ စက်မှုဇုန် (၄)၊ ရန်ကုန်-ပုသိမ် လမ်းမဘေး ကျူးကျော်တဲအိမ်တစ်လုံးမှာ လင် မယားနှစ်ယောက်က အမျိုးသားတစ်ဦးကို ဝါးထမ်းပိုးနဲ့ ဝိုင်းရိုက်ရာကနေ လူသတ်မှုဖြစ် သွားတာပါ။ အဲသည်လင်မယားနှစ်ယောက်ကို ဖမ်းဆီးဖို့ ရဲတပ်ကြပ်နဲ့ အဖွဲ့သွားရောက်ပါ တယ်။  နဝဒေးလမ်းမှာ အဘွားအိုတစ်ဦးက ပြေးလာပြီး အရက်မူးဆဲဆိုနေတဲ့ သူ့သားကို ထိန်းသိမ်းပေးဖို့ အကူအညီတောင်းပါတယ်။ အကူအညီပေးဖို့လုပ်တဲ့ ရဲတပ်ကြပ်ကို အဲသည် အဘွားအိုရဲ့သားက ဓားနဲ့ ထိုးတဲ့အတွက် ရဲတပ်ကြပ်ဟာ အင်းစိန်ပြည်သူ့ဆေးရုံကြီးမှာ အ တွင်းလူနာအဖြစ် ကုသနေရတာပါ။

အောက်တိုဘာလအတွင်း ရန်ကုန်တိုင်းဒေသကြီးရဲ့ လောင်းကစားဖမ်းဆီးရမှုအခြေအနေ ဟာ ၁၁၅ မှုနဲ့ တစ်နိုင်ငံလုံးမှာ အများဆုံး ဖမ်းဆီးရမိတယ်ဆိုတာကို ရဲတပ်ဖွဲ့ရဲ့ ထုတ်ပြန် ချက်အရ သိနိုင်ပါတယ်။ ၂၀၁၇ ခုနှစ် စက်တင်ဘာလအတွင်း မြန်မာနိုင်ငံ ပြည်နယ်/တိုင်းများမှာ ဖြစ်ပွားသော အမှုဖြစ်ပွားမှုများ စာရင်းကိုလည်း ပူးတွဲဖော်ပြပါတယ်။

 

Author /  အောင်ထွန်းဦး