ရေဖြူမှာ ကေအန်ယူနဲ့ မွန်ပြည်သစ်ကြားတိုက်ပွဲ နှစ်ကြိမ်ဖြစ်ပွား

 ရန်ကုန်၊ ဇန်န၀ါရီ ၁၀ – တနသာင်္ရီတိုင်း၊ ရေဖြူမြို့နယ်အတွင်း ကျေးရွာအနီးတစ်ဝိုက်မှာ ကရင်အမျိုးသားအစည်းအရုံး (KNU)နဲ့မွန်ပြည်သစ်ပါတီ(NMSP)တို့ ကြားသည်ကနေ့တိုက်ပွဲ (၂)ကြိမ်ဖြစ်ပွားခဲ့တယ်လို့ ဒေသခံတွေထံကနေသိရပါတယ်။

တိုက်ပွဲတွေဟာ မွန်လူမျိုးတွေအများဆုံးနေတဲ့ နေရာတွေမှာဖြစ်ပွားခဲ့တာဖြစ်ပြီး သည်ကနေ့ မနက်(၅)နာရီကနေ(၇)နာရီအချိန်ထိတစ်ကြိမ်၊ နေ့လည်(၁၁)နာရီနဲ့၁၂နာရီကြားမှာတစ်ကြိမ် ပစ်ခတ်သံတွေကြားခဲ့ရတယ်လို့ ကိုယ်တိုင်ကြုံတွေ့ခဲ့ရတဲ့ မွန်အမျိုးသားပါတီ တွဲဖက်အတွင်းရေးမှုး နိုင်စိုးမြင့်ကပြောပါတယ်။

သူက “ မွန်ပြည်သစ်ပါတီက နိုင်ဟံသာနဲ့ကေအမ်ယူတို့မဲဆောက်မှာဆွေးနွေးတယ်ကြားတယ်။ အောက်ဘက်မှာရှိတဲ့လူငယ်တွေတချို့ခွဲထွက်တဲ့သဘောမျိုးတွေရှိနေတာ မွန်ပြည် သစ်ပါတီကသည်နေရာမှာစခန်းချနေတာနှစ်ပေါင်းသုံးဆယ်ကျော်ကြာနေပြီ။”လို့ပြောပါတယ်။

တိုက်ပွဲဖြစ်ပွားနေတဲ့ သဲချောင်းကျေးရွာ၊ ကုတင်ကျေးရွာ၊အလယ်စခန်းကျေးရွာ ၊မြောက်ချောင်းရွာတွေရဲ့ အရှေ့ဖက်(၃)မိုင်ကျော်ဝေးတဲ့နေရာမှာ မွန်ပြည်သစ်ပါတီရဲ့စခန်းတစ်ခုရှိပြီး မွန်ပြည်သစ်ပါတီအဖွဲ့ဝင်(၅)ဦးက စခန်းမှာ တာဝန်ယူကာအမြဲရှိနေတယ်လို့သိရပါတယ်။ သည်ကနေ့တိုက်ပွဲဖြစ်ပွားနေတဲ့နေရာကို ကေအန်ယူစစ်သား(၅၀)ကျော်ကနေလာရောက်ပစ်ခတ်ခဲ့ပြီး ဒေသခံတွေဟာ နီးစပ်ရာအမျိုးတွေမှာ ရှောင်တိမ်းနေရတယ်လို့ တိုက်ပွဲဖြစ်ပွားနေတဲ့ အနီးနားမှာရှိနေတဲ့ ယာဘူးကျေးရွာအုပ်ချုပ်ရေးမှူးဟောင်း နိုင်မောင်ကန်ကပြောပါတယ်။

သူက” ကရင်ကငြိမ်းချမ်းရေးလက်မှတ်ထိုးထားတဲ့အဖွဲ့ မွန်ကမထိုးရသေးဘူးဆိုတော့ ရွာသားတွေစိုးရိမ်တာပေါ့။ရွာသားတွေကတော့ဒဏ်ရာမရကြဘူး။ မွန်ဘက်ကဒဏ်ရာရတယ်။လို့ကြားတယ်”လို့ပြောပါတယ်။

သည်လိုနှစ်ဖက်ထိတွေ့တိုက်ခိုက်မှုတွေဟာ ပြီးခဲ့တဲ့ဒီဇင်ဘာလအတွင်း ကလည်း ရေဖြူမြို့နယ်မှာ ဖြစ်ပွားခဲ့ဖူးတယ်လို့ဒေသခံတွေထံကသိရပါတယ်။

တိုက်ပွဲနဲ့ပတ်သတ်ပြီး ရေဖြူမြို့နယ်မှာရှိတဲ့ ကေအန်ယူဆက်ဆံရေးရုံးကို ဆက်သွယ်ခဲ့ပေမယ့် ဆက်သွယ်လို့မရရှိခဲ့ပါဘူး။

Author  အေးအေးအောင်