သထုံဘိလပ်မြေစက်ရုံတည်ဆောက်ဖို့ ဆန်းစစ်နေမှုရပ်ဆိုင်းရေး ကေအင်န်ယူ အကြောင်းကြား

ရန်ကုန် ၊ ဧပြီ ၂၅ – ကရင်အမျိုးသားလွတ် မြောက်ရေးတပ် တပ်မဟာ (၁)နယ်မြေအတွင်းရှိ  မင်းလွင်တောင်အနီး  ဘိလပ်မြေစက်ရုံသစ် တည်ဆောက်မှုဖြစ်နိုင်ခြေ ဆန်းစစ်မှုလုပ်ဆောင်နေတဲ့  ပြည်မင်းထွန်း ကုမ္ဗဏီကို  လုပ်ဆောင်နေတာတွေ   ချက်ချင်းရပ်ဆိုင်းဖို့ကရင်အမျိုးသားအစည်းအရုံး(ဗဟိုဌာနချုပ်) ဗဟိုစီးပွားရေးကော်မတီက  အသိပေးစာပေးပို့တယ်လို့  သိရပါတယ်။

ကရင်အမျိုးသားအစည်းအရုံး  ဗဟိုစီးပွားရေးကော်မတီဥက္ကဋ္ဌ စောတာဒိုမှူးက ‘ကျွန်တော်တို့ အစည်းအရုံးရဲ့  စီးပွား ရေး မူဝါဒနဲ့ကိုက်ညီမှ စတင်ဖို့တရားဝင်အကြောင်းကြားပေမဲ့  သူတို့ဘက်က  တရားဝင်ဆက်သွယ် လာတာမရှိဘူး၊ ဒါ့အပြင်  စီမံကိန်းပတ်ဝန်းကျင်က  ဒေသခံပြည်သူတွေက လက်မခံဘဲ အစီရင်ခံတိုင်ကြား လာတယ်’လို့       ပြောပါတယ်။

မင်းလွင်တောင်ဟာ  မွန်ပြည်နယ်သထုံမြို့နယ်ထဲက  ကရင်အမျိုးသား လွတ်မြောက်ရေးတပ် တပ်မဟာ(၁)  ထိန်းချုပ်နယ်မြေအတွင်းမှာ တည်ရှိတာဖြစ်ပါတယ်။

အဲသည်ကိစ္စနဲ့ပတ်သက်ပြီး ပြည်မင်း ထွန်းကုမ္ဗဏီကို  ဆက်သွယ်မေးမြန်းပေမဲ့  ပြန်လည်ဖြေဆိုခြင်းမရှိပါဘူး။

မေစုကြည်