တိုက်ခေါင်မိုးတွေပေါ်က ဆက်သွယ်ရေး တာဝါတိုင်တွေ ဖယ်ရှားမည်

တိုက်ခေါင်မိုးတွေပေါ်က ဆက်သွယ်ရေးအင်တင်နာတွေကို စတင်ဖယ်ရှားနေပြီ ဖြစ်ပါတယ်။

 

ရန်ကုန်၊ ဇွန် ၁၈ – ရန်ကုန်မြို့ တိုက်ခေါင်မိုးပေါ်တွေမှာ တပ်ဆင်ထားတဲ့ ဆက်သွယ်ရေးအင်တာနာတိုင်တွေကို ဖယ်ရှားရှင်းလင်းသွားမယ်လို့ ရန်ကုန်တိုင်းဒေသကြီး လျှပ်စစ်၊ စက်မှုလက်မှုနှင့် လမ်းပန်းဆက်သွယ်ရေးဝန်ကြီး ဒေါ်နီလာကျော်က ပြောပါတယ်။

ရန်ကုန်တိုင်းဒေသကြီး အစိုးရအဖွဲ့ တစ်နှစ်တာလုပ်ငန်းဆောင်ရွက်မှု မှတ်တမ်း သတင်းစာရှင်းလင်းပွဲမှာ ပြောကြားတာပါ။

ဝန်ကြီးဒေါ်နီလာကျော်က “Communication အပိုင်းဖြစ်ပါတယ်၊ Telecommunication အပိုင်းမှာ လဲ အိမ်တွေပေါ် က အင်တင်နာတွေ အဲဒါတွေကို စတင်ဖယ်ရှားနေပြီ ဖြစ်ပါတယ်၊ နောက်တစ်ခုကလဲ ဓာတ်တိုင်တွေ ပ်ါမှာ တပ်ဆင်ထားတဲ့ ခွင့်ပြုချက်မဲ့ တပ်ဆင်ထားတဲ့ ဖိုက်ဘာ အော့ပ်တစ်တွေ အဲဒါတွေကိုလဲ ဖယ်ရှား နေ ပြီ ဖြစ်ပါတယ်”လို့ ပြောပါတယ်။

အိမ်တွေ၊ တိုက်ခေါင်မိုးတွေပေါ်က ဆက်သွယ်ရေးတိုင်တွေအပြင် လျှပ်စစ်ဓာတ်အားပေးတိုင်တွေပေါ်မှာ တရားမဝင်သွယ်တန်းထားတဲ့ ဆက်သွယ်ရေး ဖိုက်ဘာကြိုးတွေကိုပါ ဖယ်ရှားရှင်းလင်းသွားမှာ ဖြစ်ပါတယ်။

တိုက်ခေါင်မိုးတွေပေါ်က ဆက်သွယ်ရေးတာဝါတိုင်တွေကို တချို့က အခကြေးငွေယူပြီး ငှားရမ်းထားတာတွေ ရှိပါတယ်။ နောက်ပိုင်း ဆက်သွယ်ရေးတာဝါတိုင်တွေကို တိုက်ခေါင်မိုးတွေပေါ်မှာ တပ်ဆင်တာတွေ ခွင့်မပြုတော့ဘူးလို့ သိရပါတယ်။

ဆက်သွယ်ရေးကြိုးနဲ့ လျှပ်စစ်ကြိုးက ရှုပ်ထွေးပြီး အရောင်တူလို့ သာမန်ပြည်သူ အနေနဲ့ ခွဲခြားဖို့ ခက်ခဲတာကြောင့် နောက်ပိုင်း ဆက်သွယ်ရေးတိုင်တွေကို သီးခြား စိုက်ထူအသုံးပြုဖို့ စီစဉ်နေတာဖြစ်ပါတယ်။
ဆက်သွယ်ရေးကြိုးတွေအတွက် တိုင် သီးသန့်စိုက်ထူဖို့ စတင်ဆောင်ရွက်နေပြီ ဖြစ်ပါတယ်။ စည်ပင်ပိုင်မြေ ပေါ်မှာ ဆက်သွယ်ရေးတိုင်တွေနဲ့ လျှပ်စစ်ဓာတ်အား ပေးတိုင်တွေကို သီးခြားစီလုပ်ဖို့ စီစဉ်နေတာ ဖြစ်ပါတယ်။

လျှပ်စစ်ဓာတ်အားပေးတဲ့တိုင်တွေမှာ ဆက်သွယ်ရေးကြိုးတွေ လာရောက်သွယ် တန်းခြင်းမပြုဖို့ ဌာနပေါင်းစုံ ပေါင်းစပ် ဆောင်ရွက်ရတာဖြစ်တယ်။ YESC (ရန်ကုန်မြို့တော် လျှပ်စစ်ဓာတ်အားပေးရေး ကော်မတီ)၊ မြန်မာ့ဆက်သွယ်ရေး၊ လုပ်ကိုင်ခွင့်ပြုထားတဲ့ ဆက်သွယ်ရေးအော်ပ ရေတာတွေနဲ့ ညှိနှိုင်းဆောင်ရွက်နေတယ်လို့ သိရပါတယ်။

ရန်ကုန်မြို့မှာလျှပ်စစ်ဓာတ်ကြိုးသွယ် တန်းရာတစ်လျှောက် ဆားဗစ်ကြိုးတွေ လျော့တွဲမကျစေဖို့ ဒေါက်တိုင်အဖြစ် ဝါး၊ မျောတိုင် အသုံးပြုနေတာတွေလည်း ရှိပါ တယ်။

သည်လျော့တွဲ ဓာတ်ကြိုးတွေကိုလည်း မြို့နယ်အလိုက် ဦးစားပေးကနဦး စီမံကိန်းဆောင်ရွက်ပေးမှာ ဖြစ်သလို ရှည် လျားထွေပြားတဲ့ ဆားဗစ်ကြိုးတွေကိုလည်း ဘဏ္ဍာငွေ ရရှိမှုပေါ်မူတည်ပြီး ဖြေ ရှင်းဆောင်ရွက်ပေးတယ်လို့ သိရပါတယ်။

Author ပို့ပို့မြင့်မွန်