ကိုယ်ဝန်ဆောင်နဲ့ ကလေးထောက်ပံ့ အစီအစဉ် ချင်းပြည်နယ်မှာ စတင်မည်

ရန်ကုန်၊ ဒီဇင်ဘာ ၃၁- ကိုယ်ဝန်ဆောင်အမျိုး သမီးတွေနဲ့ အသက်နှစ်နှစ်အောက် ကလေးသူငယ်တွေကို ထောက်ပံ့ငွေပေးအပ်တဲ့ အစီအစဉ်ကို  ချင်းပြည်နယ်တွင် ကနဦး   စီမံချက်  အနေနဲ့ ၂၀၁၇ ခုနှစ်မှာ စတင်  ဆောင်ရွက်သွားမှာ ဖြစ်တယ်လို့ သိရပါတယ်။

လူမှုဝန်ထမ်း၊ ကယ်ဆယ်ရေးနှင့်  ပြန် လည်နေရာချထားရေး ဝန်ကြီးဌာန ပြည်ထောင်စုဝန်ကြီး၊ ကလေးသူငယ်အခွင့်အရေးများဆိုင်ရာ အမျိုးသား ကော်မတီဥက္ကဋ္ဌ ဒေါက်တာဝင်းမြတ်အေးက ‘မြန်မာနိုင်ငံ လူမှုကာကွယ် စောင့်ရှောက်ရေး အမျိုးသား အဆင့် မဟာဗျူဟာ စီမံချက် ဦး စားပေး အစီအစဉ် ရှစ်ခုမှာ ကလေးသူငယ် နဲ့ ဆိုင်တဲ့ ကဏ္ဍလေးခုပါတယ်။  ထောက်ပံ့ငွေပေးအပ်တဲ့ အစီအစဉ်ကို ချင်းပြည်နယ်မှာ ကနဦး စီမံချက် အနေနဲ့ ၂၀၁၇  ခုနှစ်မှာ  စတင် ဆောင်ရွက်သွားပါမယ်”လို့  ပြောပါ တယ်။

မြန်မာနိုင်ငံလုံးဆိုင်ရာ  အမျိုးသမီးရေးရာကော်မတီအစည်းအဝေးနဲ့ ကလေး သူငယ် အခွင့်အရေးများဆိုင်ရာ  အမျိုးသားကော်မတီ  အစည်းအဝေး အဖွင့် အမှာ စကားမှာ ပြည်ထောင်စုဝန်ကြီးက ပြောကြားသွားခဲ့တာ ဖြစ်ပါ တယ်။   ကလေးသူငယ်ကာကွယ်စောင့်ရှောက်ရေး မူဝါဒ (င်္ံChild Protection Policy)  ကို ရေးဆွဲ ချမှတ်နိုင်ရေး အတွက် UNICEF Myanmar နဲ့ ပူးပေါင်းဆောင်ရွက်သွားမှာ ဖြစ်တယ်လို့ သိရပါတယ်။

“ဥပဒေအနေနဲ့ ကလေးသူငယ်  ဥပဒေ ၁၉၉၃ နဲ့ ကလေးသူငယ် နည်းဥပဒေ ၂၀ဝ၁ ပြဋ္ဌာန်းပေးခဲ့ပြီး ပါပြီ၊ ပြောင်းလဲလာတဲ့ ခေတ်စနစ်နဲ့ အညီ ဒီမိုကရေစီ စံနှုန်းတွေနဲ့ လိုက်လျောညီထွေဖြစ်အောင် ဝန်ကြီးဌာနက ဦးဆောင်ပြီး  ကလေးသူငယ်  အခွင့်အရေးများဆိုင်ရာ ဥပဒေမူကြမ်းကို ပြန်လည်   ပြင်ဆင် ရေးဆွဲနေပါတယ်။ ၂၀၁၇  ခုနှစ် ဇန်နဝါရီလအတွင်း လွှတ်တော်သို့တင်ပြနိုင်ဖို့ ဆောင်ရွက်နေပါတယ်”လို့  ဒေါက်တာဝင်းမြတ်အေးကပဲ ပြောပါတယ်။

ပြင်ဆင်ရေးဆွဲတဲ့ ဥပဒေကြမ်းမှာ က လေးသူငယ်တွေကို မွေးစားတာ၊ အခြားနည်းနဲ့  ထိန်းသိမ်းစောင့်ရှောက်တာ၊ စရိတ် ထောက်ပံ့တာ၊ ကျန်းမာရေး ဆိုင်ရာ အခွင့်အရေးတွေ၊ ပညာရေးဆိုင်ရာ အခွင့်အရေးတွေ၊   ကလေးသူငယ်များ  အလုပ်လုပ်ကိုင်တာနဲ့ အဆိုးရွားဆုံး ပုံစံနဲ့ အလုပ်စေခိုင်း တာ၊ မသန်စွမ်း ကလေးငယ်တွေ၊ ကလေးသူငယ်နှင့် လက်နက်ကိုင်ပဋိပက္ခ၊ ကလေးသူငယ်ကို  ရောင်းချတာ၊ ပြည့်တန်ဆာ ပြု လုပ်တာ၊ ကလေးသူငယ် ညစ်ညမ်းပုံ  ပြု လုပ် ဖြန့်ဖြူးတာ၊ ကလေးသူငယ်တွေကို အကြမ်းဖက်တာ၊ အခြားနည်းနဲ့ လွှဲပြောင်း  ဆောင်ရွက်တာ၊ ပြစ်မှုကျူးလွန်ခြင်း ခံရတဲ့ ကလေးသူငယ်တွေနဲ့ ကလေးသူငယ်သက်သေတွေကို အကူအညီနဲ့ အကာအကွယ်ပေးတာ စတဲ့ အခန်း ခေါင်းစဉ်အသစ်တွေထည့်သွင်းထားတယ်လို့   သိရပါ တယ်။

“အမျိုးသမီးတွေအပေါ်  အကြမ်းဖက်မှု တားဆီးကာကွယ်ရေး ဥပဒေကို ကျွန်တော်တို့  ဝန်ကြီးဌာနက ဦးဆောင်ပြီး သက်ဆိုင်ရာ ဝန်ကြီးဌာနတွေ၊  မြန်မာနိုင်ငံအမျိုး သမီးရေးရာ အဖွဲ့ချုပ်၊ မြန်မာနိုင်ငံမိခင်နှင့်ကလေးစောင့်ရှောက်ရေး  အသင်း၊ ကျား ၊ မ တန်းတူညီမျှရေးကွန်ရက်အဖွဲ့၊ UN  Gender Theme  Group တို့နှင့် ပူးပေါင်းရေးဆွဲထားပြီး အခန်း ၁၉  ခန်း၊ ပုဒ်မ  ၉၁ ခု ပါဝင်ပြီး အမျိုးသမီးတွေကို ရှုထောင့် ပေါင်းစုံမှ ကာကွယ်စောင့်ရှောက်ပေးနိုင်ရန်  ရေးဆွဲထားပါတယ်”လို့ လည်း သိရပါတယ်။

 

Author  ဖြိုးစန္ဒာ