ကားထစ်ခြင်းက ဦးနှောက်ကို သွေးပို့လွှတ်မှု မလုံလောက်တာကြောင့်ဟုဆို

ဇန်နဝါရီ ၅ – စကားထစ်ခြင်းဟာ မျိုးဗီဇ ဒါမှမဟုတ်မိသားစုရဲ့ လေ့ကျင့်သင်ကြားပေးမှုပုံစံကြောင့်ဖြစ်ရတာလို့ ယူဆထားတာကြာပြီဖြစ်ပါတယ်။ ဒါပေမဲ့ လေ့လာမှုအ သစ်တစ်ခုအရ စကားထပ်တာဟာသွေးပို့လွှတ်မှု ပြတ်တောင်း ပြတ်တောင်းဖြစ်မှုနဲ့ ဆက်နွှယ်နေတယ်လို့ ပထမဆုံး အကြိမ် ဖော်ပြလာပါတယ်။ စကားထစ်ခြင်းဟာ ဦးနှောက်အစိတ်အပိုင်းအတွင်းသွေးပို့လွှတ်မှု အကန့်အသတ်နဲ့ရောက်ရှိတာကြောင့်ဖြစ်ရတာလို့ လေ့လာမှုကဆိုပါတယ်။
စကားထစ်ခြင်းကြောင့် စကားပြောဆိုနိုင်စွမ်းနဲ့ပတ်သက်တဲ့ ဦးနှောက်ရှေ့ခြမ်းအပိုင်းမှာ သွေးစီးဆင်းမှုလျော့နည်းစေတာကို လော့စ်အိန်ဂျလိစ် ကလေးဆေးရုံမှ သုတေသီတွေကတွေ့ရှိခဲ့ပါတယ်။ စကားထစ်တာ ပိုဆိုးလေ၊ သည်အပိုင်းမှာသွေးရောက်ရှိမှု အကန့်အသတ်ပိုများလေဖြစ် နေပါတယ်။
ကမ္ဘာ့အနှံ့မှာ စကားထစ်သူ လူဦးရေစုစုပေါင်း သန်း ၇၀ ကျော်ရှိပြီး အမေရိကမှာ သုံးသန်းခန့်၊ ဗြိတိန်မှာ ၇၀ဝ,ဝ၀ဝ ခန့်ရှိပါတယ်။ အမျိုးသမီးတွေထက် အမျိုးသားတွေမှာ(လေးဆခန့်)ပိုအဖြစ်များတာတွေ့ရပြီး စကားပြောဆိုမှု ကုထုံးမှာအကုသရဆုံး ရောဂါဝေဒနာတစ်ခု ဖြစ်ပါတယ်။
ဦးဆောင်သုတေသီ ဒေါက်တာ ဘရက်ဒလေပီတာဆန်ရဲ့အဖွဲ့က စကားထစ်သူတွေရဲ့ ဦးနှောက်အစိတ်အပိုင်းတွေကို သံလိုက်လှိုင်းပုံရိပ်ဖော် နည်းပညာနဲ့လေ့လာခဲ့ပါတယ်။  ဦးနှောက်တွင်းသွေးလည်ပတ်မှုကိုကြည့်ပြီး ဦးနှောက်တွင်းလှုပ်ရှားမှုကိုတိုင်းတာတဲ့အခါ သွေးလည်ပတ်မှုအခြေအနေဟာ စကားထစ်ခြင်းနဲ့ မလွဲမသွေဆက်နွှယ်မှုရှိနေတာကို တွေ့ခဲ့ရပါတယ်။ ဒါ့အပြင်နှုတ်ကနေ စကားလုံးတွေ စီကာစဉ်ကာထွက်ရှိနိုင်စွမ်းနဲ့ပတ်သက်တဲ့ ဘာသာစကား ဆိုင်ရာ ဦးနှောက်အပိုင်းအတွင်းမှာ သွေးပို့လွှတ်မှုမမှန်တာဟာ ဆိုးဆိုးရွားရွားစကားထစ်ခြင်းနဲ့ အပြန်အလှန်ချိတ်ဆက်နေတယ်လို့သိရပါတယ်။

YSD

[ref: DM , Jan 5, 2017.]