The Kumudra Journal

ထိပ်တန်းပို့ကုန် ဆယ်မျိုးအတွက် မဟာဗျူဟာ ချမှတ်ထား

နေပြည်တော်၊ ဇွန် ၂၉-    ပြည်ပနိုင်ငံတွေကို  တင်ပို့ရောင်းချနေတဲ့  ထိပ်တန်းပို့ကုန်  ၁၀မျိုးအတွက် မဟာ ဗျူဟာတွေ  ချမှတ်ဆောင်ရွက်နေတယ်လို  စီးပွားရေးနှင့်  ကူးသန်းရောင်းဝယ်ရေးဝန်ကြီးဌာနက သိရပါတယ်။

        ပြည်ပပို့ကုန်တွေအတွက်  အခြေခံအားဖြင့် သုံးပိုင်းခွဲခြားထားပါတယ်။ ပထမနှစ်အတွင်းမှာကာလ တူပို့ကုန်တန်ဖိုးထက်  လျော့ကျမသွားဖို့၊ သဘာဝသယံဇာတတွေအစား စိုက်ပျိုးမွေးမြူရေးထွက်ကုန်တွေနဲ့    အစားထိုးပိုမိုတင်ပို့နိုင်စေဖို့နဲ့     ပြည်ပနိုင်ငံအသစ်တွေနဲ့   ပို့ကုန်အသစ်တွေရှာဖွေချိတ်ဆက်ဆောင်ရွက်ပေးနိုင်ဖို့ တို့ဖြစ်ပါတယ်။

        ပြည်ပပို့ကုန်တွေ ပိုမိုတင်ပို့ နိုင်အောင် တွန်းအားပေးဆောင်ရွက်နေပေမဲ့ တိုင်းပြည်အတွက်  အကန့်အသတ်နဲ့သာရှိနေတဲ့  သဘာဝအရင်းအမြစ်သယံဇာတတွေကို

တော့   ပြီးစလွယ်ထုတ်ရောင်းမှာမဟုတ်ဘူးလို့    သိရပါ တယ်။

ထိပ်တန်းပို့ကုန်

        ‘ပို့ကုန်   သုံးဆတက်စေဖို့နဲ့  သယံဇာတပို့ကုန်တွေ  လျှော့ချနိုင်စေဖို့ဆိုတဲ့ အချက်နှစ်ချက်ကို  အဓိ ကစဉ်းစားပြီး နည်းလမ်းတွေချ မှတ်ဆောင်ရွက်နေပါတယ်’လို  စီးပွား

ရေးနှင့်ကူးသန်းရောင်းဝယ်ရေးဝန်ကြီးဌာန  လက်ထောက်အတွင်းဝန်   ဦးခင်မောင်လွင်က  ပြောပါတယ်။

နိုင်ငံခြားငွေပိုမိုရရှိစေဖို့နဲ့   ပြည်တွင်းမှာ    အလုပ်အကိုင်အခွင့်အလမ်းတွေ  တိုးတက်ရရှိစေဖို့ကို  လည်း    မဟာဗျူဟာထဲမှာ  ထည့်သွင်းရေးဆွဲထားပါတယ်။   လက်ရှိအချိန်အထိ    ပြည်ပပို့ကုန်အဖြစ်  အများဆုံးက   သဘာဝဓာတ်ငွေ့  ဖြစ်ပါတယ်။    သဘာဝအရင်းအမြစ်ကနေရရှိနေတဲ့    သဘာဝဓာတ်ငွေ့ကို   လတ်တလောမှာ   အများ ဆုံးတင်ပို့ရောင်းချနေရပေမဲ့    အစိုးရသက်တမ်းအတွင်းမှာတော့  တခြားစိုက်ပျိုးရေးနဲ့    လယ်ယာ  သားငါးထွက်ကုန်တွေကို  ပိုမိုတင်ပို့နိုင်ရေး အစီအစဉ်တွေရေးဆွဲထားတယ်လို့    သိရပါတယ်။

‘ပြည်တွင်း  ပြည်ပရင်းနှီးမြှုပ် နှံမှုအပိုင်းမှာ လယ်ယာစိုက်ပျိုးရေးကဏ္ဍက အရမ်းနည်းနေပါတယ်၊  ပြည်ပပို့ကုန် ထိပ်တန်း၁၀မျိုးထဲမှာတော့ လယ်ယာသားငါးထွက်ကုန်က ခုနစ်မျိုးလောက်အထိရှိနေပါတယ်၊ ဒါကိုကြည့်ခြင်း  အားဖြင့်    လယ်ယာသားငါးထွက်ကုန်တွေအတွက်   ပြည်တွင်းပြည်ပက ရင်းနှီးမြှုပ်နှံမှုနဲ့ နည်းပညာ အကူအညီတွေ သာရရင် ပို့ကုန်ကဏ္ဍမှာ သဘာဝဓာတ်ငွေ့တင်ပို့မှုကို အစားထိုးနိုင်မှာပါ’   လို့  ဦးခင်မောင်လွင်က   ပြောပါတယ်။

        ပြည်တွင်းက    လယ်ယာသားငါးထွက်ကုန်တွေအနေနဲ့မိမိတို့ ဘာသာမိရိုးဖလာစိုက်ပျိုးမွေးမြူ ကြတဲ့နည်းလမ်း တွေကို အသုံးပြုရောင်းချနေကြတာဖြစ်ပါတယ်။  အစိုးရအပိုင်းကနေ   ကူညီပေးနေပေမဲ့   တစ်နိုင်ငံလုံးအတိုင်း အတာအထိ   ထိရောက်မှုမရှိသေးတာကို  တွေ့နေရပါတယ်။

        စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအနေနဲ့ လက်ရှိအချိန်မှာတော့ ကာလတူပို့ကုန်ပမာဏ ထက်ကျော်လွန်တင်ပို့နိုင်ဖို့ကို  ကြိုးစားဆောင်ရွက်နေတယ်လို့  သိရပါတယ်။ ဒုတိယအဆင့်ဖြစ်တဲ့   တွင်းထွက်နဲ့    သဘာဝသယံ ဇာတပစ္စည်းတွေအစား လယ်ယာသားငါးထွက်ကုန်တွေ   ပိုမိုတင်ပို့နိုင်အောင်    ပြည်ပနိုင်ငံတွေနဲ့  ပူး ပေါင်းပြီး  စိုက်ပျိုးနည်း၊  မျိုးစေ့၊  ငါး သားပေါက်၊   မွေးမြူထိန်းသိမ်းနည်းစနစ်တွေနဲ့အရည်အသွေးမီ  ပို့ကုန်တွေဖြစ်လာစေဖို့   လိုအပ်တဲ့  အခြေခံအဆောက်အအုံတွေကိုပါ  အမြန်ဆုံးအကောင်အထည်ဖော်နေတယ်လို့    သိရပါတယ်။

ဒုတိယပို့ကုန်

        ဒုတိယအများဆုံးပို့ကုန်က  ချုပ်ပြီးသားအထည်တွေဖြစ်ပါတယ်။  ပြည်တွင်းမှာရှိနေတဲ့  အ ထည်ချုပ်စက်ရုံတွေကနေ တရုတ်၊ ကိုရီးယား၊  ဟောင်ကောင်၊  အိန္ဒိယ နဲ့   ဥရောပနိုင်ငံအချို့ကို    အထည်  တွေတင်ပို့နေတာဖြစ်ပါတယ်။   အသစ်ချမှတ်ထားတဲ့   မူဝါဒတွေအရ   ပြည်တွင်းမှာ   အလုပ်အကိုင် အခွင့်အလမ်းတွေ   ပိုမိုရရှိစေဖို့နဲ့  ပြည်ပပို့ကုန်အထည်ချုပ်လုပ်ငန်း  တွေဖွံ့ဖြိုးတိုးတက်လာအောင်   အစိုးရအပိုင်းကနေ  ဝန်ကြီးဌာန  အလိုက်   ပံ့ပိုးကူညီမှုတွေ   ဖြေ  လျှော့ပေးထားတယ်လို့    သိရပါ တယ်။

‘အထည်ချုပ်စက်ရုံတစ်ရုံက  အနည်းဆုံးလုပ်သား ၂၀ဝ လောက်တော့    အလုပ်အကိုင်ဖန်တီးပေးနိုင်ပါတယ်၊  ဒါကြောင့်   ပြည်ပနိုင်ငံတွေကနေ   အထည်ချုပ်စက်ရုံတွေ  လာဖွင့်မယ်ဆိုရင်    အခြေခံလိုအပ်ချက်တွေ  နည်းနိုင်သမျှနည်း  အောင်ဆောင်ရွက်ပေးနေပါတယ်၊  ရေ၊  မီးနဲ့    အခြေခံအဆောက်အအုံ တွေကို   ပြည့်စုံအောင်ဝန်ကြီးဌာန  အချင်းချင်း  ညှိနှိုင်းစီစဉ်ပေးနေပါတယ်လို့   စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက  တာဝန်ရှိသူတစ်ဦးက   ပြောပါတယ်။

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအနေနဲ့ သွင်း ကုန်ထုတ်ကုန်လိုင်စင်ထုတ်ပေး တဲ့  လုပ်ငန်းစဉ် တစ်ခုတည်းမဟုတ်ဘဲ တိုင်းပြည်စီးပွားရေးအတွက် အထောက်အကူဖြစ်စေမယ့် လုပ်ငန်းကဏ္ဍတွေ   ဖွံ့ဖြိုးတိုးတက်လာအောင်    ကြိုးစားဆောင်ရွက်နေတယ်လို့    သိရပါတယ်။

        ပို့ကုန်ကဏ္ဍဖွံ့ဖြိုးလာဖို့    လိုအပ်နေတဲ့   အခြေခံအဆောက်အအုံတွေကိုလည်း   ကာလတို၊    ­ကာ လလတ်စတဲ့    စီမံချက်တွေရေးဆွဲ ဆောက်လုပ်ပေးနေပါတယ်။  ပြည်ပနိုင်ငံတွေကနေ စိတ်ဝင်စားမှု မြင့်တက်နေတဲ့   စိုက်ပျိုးရေးနဲ့သားငါးပို့ကုန်တွေကိုလည်း အခုထက်ပိုမိုထုတ်လုပ်နိုင်စေဖို့နဲ့  အရည်အသွေးစမီတဲ့ ကုန်ပစ္စည်း တွေဖြစ်လာစေဖို့   တွန်းအားပေးဆောင်ရွက် မယ်လို့    သိရပါတယ်။

စီးပွားရေးနှင့်    ကူးသန်းရောင်းဝယ်ရေးဝန်ကြီးဌာနက   ညွှန်ကြားရေးမှူး  ဦးဇော်မင်းက  လတ်တလောမှာဆို    အင်ဒိုနီးရှားကို   ဆန်တန်ချိန်    ၁၃,၇၅၅   တန်တင်ပို့ တယ်၊  သူတို့ဆီက   စားသောက် ကုန်တင်သွင်းခြင်းနဲ့   ဆိုင်တဲ့     ဥပဒေသစ် ပြဋ္ဌာန်းလိုက်လို့ ဆိပ်ကမ်းမှာ  နှစ်လလောက်ကြာသွားတယ်၊ ဒါပေမဲ့    ညှိနှိုင်းမှုတွေ အဆင်ပြေလို့ ဆိပ်ကမ်းကနေ ထုတ်ပြီးစစ်ဆေးတော့ အရည်အသွေးက အိမ်နီးချင်းနိုင်ငံတွေထက် ပိုကောင်းနေလို့   နောက်တန်ချိန်  ၃၀ဝ,ဝ၀ဝ   အထိ တင်ပို့ဖို့ကမ်းလှမ်းတာတွေ လုပ်လာ

တယ်’ လို့    ပြောပါတယ်။

        အရည်အသွေးပြည့်မီတဲ့ ထိပ်တန်းပို့ကုန်တွေဖြစ်လာစေဖို့  နိုင်ငံတကာအကူအညီတွေရယူဆောင်ရွက်မယ်လို့သိရပါတယ်။   ပြည်တွင်းကတောင်သူတွေက  မြေယာ ငှားရမ်းပြီး    နိုင်ငံခြားရင်းနှီးမြှုပ်နှံသူတွေက   စိုက်ပျိုးနည်းပညာနဲ့  မျိုး စေ့စတဲ့ အကျိုးတူပူးပေါင်းဆောင်ရွက်မှုတွေကနေ   ပို့ကုန်ကဏ္ဍတိုး  တက်အောင်ဆောင်ရွက်မယ်လို့   သိရပါတယ်။

ပို့ကုန်အမယ်သစ်

        တတိယအပိုင်းအဖြစ်   ပို့ကုန်အမယ်သစ်တွေနဲ့    ကုန်သွယ်ဖက် နိုင်ငံအသစ်တွေရှာဖွေဖို့ဆောင်  ရွက်နေပါတယ်။  အာရှနဲ့  ဥရောပ နိုင်ငံတွေကိုပါ   ဈေးကွက်သစ်ထိုး

ဖောက်ရှာဖွေနိုင်ဖို့    သက်ဆိုင်ရာဝန်ကြီးဌာန  အဖွဲ့အစည်းတွေနဲ့ ချိတ်ဆက်ဆောင်ရွက်နေတယ်လို့   သိရပါတယ်။

        ဒေသတွင်းနိုင်ငံတွေရဲ့  ကုန်စည်ပြပွဲတွေမှာ  ပို့ကုန်အမယ်သစ်တွေပြသနိုင်ဖို့  ဆောင်ရွက်နေပါတယ်။  ဥရောပသမဂ္ဂ  အီးယူနိုင်ငံတွေဆီကနေ နည်းပညာနဲ့  အကူအညီတွေရယူပြီး ပို့ကုန်အမယ်သစ်တွေကို    ချိတ်ဆက် တင်ပို့နိုင်ဖို့ ကိုလည်း    အစိုးရအချင်းချင်း နားလည်မှုသဘောတူညီချက်တွေ  ရယူဆောင်ရွက်နေတယ်လို့သိရပါ တယ်။    ပို့ကုန်ကဏ္ဍအတွက်   မဟာဗျူဟာချမှတ်ဆောင်ရွက်နေတဲ့ နေရာမှာ    ကာလတိုနဲ့    ကာလရှည်ဆိုပြီးအပိုင်းလိုက်၊  ကဏ္ဍအလိုက်  ဆောင်ရွက်နေတယ်လို့သိရပါတယ်။

        အခု    အစိုးရလက်ထက်  ပြည်ပ ပို့ကုန်အများဆုံး   ၁၀မျိုးကတော့  (၁)သဘာဝဓာတ်ငွေ့၊  (၂)  ချုပ်ပြီး  အဝတ်အထည်၊  (၃)  မတ်ပဲ၊ (၄)  ရီ အိတ်စ်ပို့သကြား၊  (၅) ပဲတီစိမ်း၊  (၆) သကြား၊  (၇  )   ငါး၊   (၈)    ဆန်၊  (၉)  ပဲစဉ်းငုံနဲ့   (၁၀ )  ရော်ဘာစိမ်းတွေ ဖြစ်တယ်လို့  စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက နေရရှိတဲ့ အချက်အလက်

တွေအရ    သိရပါတယ်။

 အောင်ပြည့်စုံ